საქართველოს ტექნიკური უნივერსიტეტის რექტორი, რექტორთა კონფერენციის თავმჯდომარე, აკადემიკოსი დავით გურგენიძე ოფიციალური ვიზიტით ჟენევაში იმყოფება. ბატონი რექტორი, საქართველოსა და ფიზიკაში ელემენტარული ნაწილაკების მსოფლიოს უდიდესი ლაბორატორიის, ბირთვული კვლევების ევროპული ორგანიზაცია - CERN-ს შორის ურთიერთობის გაღრმავებისა და CMS კოლაბორაციაში შეტანილი წვლილისათვის, ასევე, პირადი საორგანიზაციო და სამეცნიერო მიღწევებისთვის, CMS ექსპერიმენტის ასოცირებული წევრად იქნა არჩეული. სამუშაო ვიზიტის ფარგლებში, სტუ-ის რექტორი CMS ექსპერიმენტში CMS-ის მიონური სისტემის RPC ჯგუფში მომუშავე ქართველ ფიზიკოსებს შეხვდა. RPC ჯგუფის ხელმძღვანელმა, დოქტორმა სალვატორე ბუენტემპომ რექტორს RPC კამერების წარმატებით განხორციელებაში სტუ-ის მეცნიერთა ჯგუფის როლზე ესაუბრა. აკადემიკოს დავით გურგენიძის CMS კოლაბორაციის წევრებთან შეხვედრის შედეგად გადაწყდა, რომ CERN საქართველოს ტექნიკურ უნივერსიტეტს უახლეს ტექნიკას გადასცემს.